• Elemento de lista

A canle «a Lobeira today» nominada ao Premio REDE do concurso youtubeiras.

Os Premios Youtubeiras, concurso organizado polos servizos de normalización lingüística dos concellos de Ames, A Baña, Carballo, Moaña, Negreira, Pontevedra, Rianxo, Ribadeo, Rois, Santiago de Compostela, Teo e O Grove, así como polos das universidades de Santiago de Compostela, Vigo e da Coruña, e o da Deputación da Coruña, deron a coñecer os finalistas para ás súas oito categorías da presente edición. Os galardóns entregaranse o vindeiro sábado, 28 de xaneiro no Pazo da Cultura de Carballo, que acollerá a gala Youtubeiras, presentada pola actriz e narradora oral Cristina Collazo e coa música de Laura Lamontagne & PicoAmperio.

A nosa canle a Lobeira today consta como nominada ao Premio REDE, dotado con 1000 €, porque cren que ten a capacidade de crear e fortalecer a rede virtual, isto é, crear comunidade a través do Youtube e doutras redes sociais vinculadas, ou a rede real, é dicir, crear vídeos de xeito colectivo e/ou promovidos polo tecido asociacionista.

Xunto á Lobeira today, tamén foron nominadas as canles Exército Mekemeke e Proxecto R.E.D.E.S. ás que lles desexamos a mellor das sortes. Gañe quen gañe, gañamos as 22 propostas nominadas e todas as canles e proxectos que decidimos nos presentar nesta edición ao certame.

Vémonos en Carballo.

NOTAS DE PRENSA PUBLICADAS EN:

https://praza.gal/cultura/os-premios-youtubeiras-xa-tenen-finalistas-22-propostas-para-un-2022-no-que-a-lingua-galega-medrou-na-rede

https://www.nosdiario.gal/articulo/cultura/finalistas-premios-youtubeiras/20221221125858158740.html

https://codigocero.com/Un-total-de-22-propostas-finalistas-aspiran-a-ganar-os-Premios-Youtubeiras-2022

https://www.diariodepontevedra.es/articulo/cultura/estes-son-22-finalistas-premios-youtubeiras-2022/202212212023401232427.html

http://www.galiciaconfidencial.com/noticia/217350-premios-youtubeiras-2022-reune-22-propostas-levar-galardons-vi-edicion

http://culturagalega.gal/noticia.php?id=34604